હે સાબદા રહેજો રે સાબદા રહેજો
હે ભાણા પટેલની ભાણકી આવે
હે સાબદા.....
હે જી લૂંટ કરવા એના નીસર્યા લોચનિયાં
ભાઇ પાઘડીનો પહેરનાર ક્યાંથી ત્યાં ફાવે
હે સાબદા.....
અંગના ફાગણીયાના રંગને ફંગોળતી
ખંભે દાતરડું ને ધરણી ઢંઢોળતી
મારગના તાજા તણખલાને તોડતી
દાંત્યુની ભીંસમાં ચાવતી આવે
હે સાબદા.....
છુંદણે છુંદેલા એના તનડાનો ઘાટ
કે શરમે સંતાઇ પૂનમની રાત
લીલુડા વનજેવું મન હરિયાળું
કે મોરલા ઊડતા આવે ને જાવે
હે સાબદા.....
ઉડતી ઓઢણીયુંમાં દુનિયાને ડુબાડતી
કંઇ મનમાં તોડતી ને કંઇ મનમાં જોડતી
એના લટકાને મટકાને ઝટકાનું જોર તો
ગામના ગોવાળીયાને એવું તે ભાવે
હે સાબદા.....
(lyrics - preetnageet)
No comments:
Post a Comment