મનના મેવાડમાં એક રાણો વસે છે - સુરેશ દલાલ

કવિ - સુરેશ દલાલ
સ્વર - અનાર કઠીયારા
સંગીત - આસિત દેસાઇ



મનના મેવાડમાં એક રાણો વસે છે
એ રાણાને અહીંથી ઉથાપો કોઈ
મને મીરાંનું પાગલપન આપો કોઈ

મને મેવાડી મ્હેલ હવે જોઈતા નથી
હીરા-મોતીના ખેલ હવે જોઈતા નથી
મારા જ કરંડિયાને સાપ તો ડસે
એ સાપને તો અહીંથી ઉથાપો કોઈ
મને મીરાંનું વૃંદાવન આપો કોઈ

હરિ-આવનના અવાજને સાંભળ્યા કરું
અહીં દિવસ ને રાત : દીપ બાળ્યા કરું
નૈનનમેં નંદલાલ એવા શ્વસે
મને પ્રીતિ પુરાતન આપો કોઈ
અને મીરાંનું વૈરાગન આપો કોઈ
હવે સાંવરિયો મનભાવન થાપો કોઈ

(શબ્દો - દિવ્યભાસ્કર)