દર્શન દ્યો મા શ્રીયમુનાજી - ભક્તિગીત

ભજન




દર્શન દ્યો મા શ્રીયમુનાજી,
હું તો બીજા કશાથી નથી રાજી.

પાન કરાવો અમ્રુતજળના
જળ હટાવો માયાબળના,
રટણ કરાવો શ્રીરાધા વરના.

ચરણ પડ્યો છું દુઃખડા કાપો,
વાંક નીવારી સુખડાં આપો.
યુગલ સ્વરુપ મારા હ્રદયે સ્થાપો.

અહર્નિશ સેવામાં દિન ગાળું,
કૃષ્ણ કૃપાળુ વિનતા પામું,
અવિચલ પદમાં હું પાયે લાગું.

માયાજાળ કાઢો શ્રીમહારાણી,
માજી લીલામાં લ્યો તાણી.
દૈવી જીવો પર કરૂણા જાણી.

છોડાવી દ્યો વિષયાસક્તિ,
માનસીસેવામાં અભિવ્યક્તિ,
શ્યામચરણમાં લ્યો મધુરભક્તિ.

દુર્ગુણ મારા કાઢી નાખો,
વાંક અમારો હોય તો સાંખો,
વ્રજમાં વાસ કરું વૈકુંઠ આપો

લાલાહીઃ  સેવક તારો,
ધીર થઇ આવ્યો અતિ દુખિયારો,
ઉગરવાનો બીજો નથી આરો