કોઇ આઘે આઘેથી વેણુ વાય છે - હરિન્દ્ર દવે
સ્વર - કૌમુદી મુન્શી
સંગીત - દિલીપ ધોળકીયા
કોઇ આઘે આઘેથી વેણુ વાય છે,
રે મને જતી રહું જતી રહું થાય છે.
લાલ લાલ આંખડીયેથી સાસુ જુએ છે,
હોઠ મરડીને નણંદી પગ પછાડે,
લહેરીયે ચડેલ મારા લોચનીયા જોઇ,
ઊભો નાવલીયો બારણાની આડે,
હો ઘેરા ઘેનની કટોરી કોઇ પાય છે,
રે મને જતી રહું જતી રહું થાય છે.
એક દ્વાર બંધ કીધું તો,
કેટલાય મારગ આ આંખમાં સમાયા,
ઘૂપ થઇ ઊડી, હું ચાલી સાંભળો,
હવે પીંજરામાં રહી ગઇ કાયા,
હવે છાનું એ છનછન છલકાય છે,
રે મને જતી રહું જતી રહું થાય છે.
0 પ્રત્યાઘાતો:
Post a comment