તું રાધા કેમ રીસાણી છે? - ગીત

રાધાકૃષ્ણના પ્રેમ પણ ઘણું બધું લખાયું અને ગવાયું છે. રિસાયેલી રાધાના મનામણા કરતાં કૃષ્ણનું આ ગીત સાંભળીને આપણે પણ એ દિવ્યપ્રેમના અંશમાં ખોવાઇ જઇએ છે.

કવિ, સંગીત - ???

સ્વર - ભાસ્કર શુક્લા

તું રાધા કેમ રીસાણી છે? , તારી આંખો કેમ ભીંજાણી છે? .

તું મન માં કેમ મુંઝાણી છે? , તારી આંખો કેમ ભીંજાણી છે? .

કહે કડવાં વેણ કહ્યા તુજને ,તારા મન નું દુઃખ તું કહે મુજને ,

તું દીલ માં કેમ દુભાણી છે? , તારી આંખો કેમ ભીંજાણી છે?.

વ્રજનારી ઘણી છે મતવાલી, તે સૌ માં તું મુજને વ્હાલી ,

મારા હ્રદયકમળ ની તું રાણી છે ,તારી આંખો કેમ ભીંજાણી છે?.

તને બંસી ગમે તો બંસી દઉં ,જીવનભર તારો થઈ ને રહું ,

તારી વેણી કેમ વિખાણી છે?, તારી આંખો કેમ ભીંજાણી છે?.

તારા આંસુડા હું લુછી નાખું , તારું નામ સદાય આગળ રાખું ,

એ સાચી મારી વાણી છે? , તારી આંખો કેમ ભીંજાણી છે?.

રાધાને ને રીઝવી ગોવિંદનાથે ,વાલા રાસ રમ્યા સૌ ની સાથે ,

એવી પ્રીત પ્રભુ ની પુરાની છે? , તારી આંખો કેમ ભીંજાણી છે?