એક પાટણ શહેરની નાર પદમણી - અવિનાશ વ્યાસ

અવિનાશ વ્યાસનું આ અમર રચના ફરી માણીયે પાર્થિવ ગોહિલ અને જહાનવી શ્રીમાંનકરના સ્વરમાં

સ્વર : આશા ભોંસલે, મહેન્દ્ર કપૂર

સંગીત : ગૌરાંગ વ્યાસ

 ગીત: અવિનાશ વ્યાસ

એક પાટણ શહેરની નાર પદમણી,

આંખ નચાવતી ડાબી ને જમણી,

સૂરત જાણે ચંદા પૂનમની, બીચ બજારે જાય..
ભાતીગળ ચૂંદલડી લહેરાય,
ઝાંઝરીયું ઝમક ઝમક ઝમક ઝમક ઝમક ઝમક થાય..

એક વાગડ દેશનો બંકો જુવાનીયો,
રંગ જાણે એનો લાલ ફાગણીયો,
કંઠે ગરજતો જાણે શ્રાવણિયો, સાવજડો વર્તાય,
નજર્યુંમાં આવી એવો નજરાય,
દલડું ધબક ધબક ધબક ધબક ધબક ધબક થાય..

રંગમાં નખરો, ઢંગમાં નખરો,
રૂપ એવું અંગ અંગમાં નખરો;
પાતળી કેડને ભાર જોબનનો જીરવ્યો ના જીરવાય,
ભાતીગળ ચૂંદલડી લહેરાય,
ઝાંઝરીયું ઝમક ઝમક ઝમક ઝમક ઝમક ઝમક થાય..

બંકડી મૂછો અરે બંકડી પાઘડી,
રંગ કસુંબલ ભરી આંખલડી,
હાલક ડોલક ડુંગરે ચડે પડ છો ના પરખાય,
નજર્યુંમાં આવી એવો નજરાય,
દલડું ધબક ધબક ધબક ધબક ધબક ધબક થાય..
(Lyrics - Tahuko.com)