ઢીંગલીને મારી હાલા રે : બાળગીત

ગીત -  ???
સ્વર, સંગીત - ???
ભોંદુભાઇ તોફાની



હાલા હાલા હાલા રે
ઢીંગલીને મારી હાલા રે

વાદળનું તો પારણું બાંધ્યું,
ને તારાની હીંચકા દોરી
ચાંદામામા લાડ લડાવે
પરીરાણી ગાય લોરી

હાલા હાલા હાલા રે
ઢીંગલીને મારી હાલા રે

સૂઇ જા મારાં ઢીંગલી બેનાં,
રાત હવે પડવાની
નાની નાની આંખો મીંચી
નીંદર લે મજાની

હાલા હાલા હાલા રે
ઢીંગલીને મારી હાલા રે

નીંદરીયે પોઢીને તમે
પવન પાંખે ઉડજો
પંખીઓના મીઠાં મીઠાં
ગીતો તમે સુણજો

હાલા હાલા હાલા રે
ઢીંગલીને મારી હાલા રે