સુમતિનાથ ગુણ શું મિલી જી - યશોવિજય
આ સ્તવન-પદમાં સુમતિનાથ માટેની વિસ્તરતી પ્રીતિને જલમાં વિસ્તરતા તેલબિંદુની ઉપમા, તથા છુપાવી ન શકે ને મુખર થઇ ઊછળી રહે તેવી પ્રીતિ માટેનાં સદ્રશ્યો- કસ્તુરીની સુગંધ,આંગળિથી મેરૂં ન ઢંકાય વગેરે નોંધપાત્ર છે.
સુમતિનાથ ગુણ શું મિલીજી, વાશે મુજ મન પ્રીતિ,
તેલબિંદુ જિમ વિસ્તરે જી, જલમાંહી ભલી રીતિ,
સોભાગી જિન શું લાગ્યો અવિહડ રંગ.
સજ્જનશું જે પ્રીતડી જી, છાની તે ન રખાય,
પરિમલ કસ્તૂરી તણોજી મહીં મહીં મહાકાય.
સોભાગી જિન શું લાગ્યો અવિહડ રંગ.
અંગુલીયે નવિ મેરૂ ઢંકાયે, છાબડિએ રવિ-તેજ,
અંજલિમાં જિમ ગંગ ન માયે, મુજ મન તિમ પ્રભુ-હેજ.
સોભાગી જિન શું લાગ્યો અવિહડ રંગ.
હુઓ છીપે નહિ અધર અરુણ જિમ, ખાતાં પાન સુરંગ,
પીવત ભર ભર પ્રભુગુણ પ્યાલા, તિમ મુજ પ્રેમ અભંગ.
સોભાગી જિન શું લાગ્યો અવિહડ રંગ.
ઢાંકી ઇક્ષુ પરાળશું જી, ન રહે લડિ વિસ્તાર,
વાચક 'જસ' કહે પ્રભુ તણોજી, તિમ મુજ પ્રેમ-પ્રકાર
સોભાગી જિન શું લાગ્યો અવિહડ રંગ.
0 પ્રત્યાઘાતો:
Post a Comment