અભિષેક: બેફામ

Showing posts with label બેફામ. Show all posts

Friday, 15 February 2013

ઓ હ્રદય તે પણ ભલા - બેફામ

કેટલીક વાર કવિના શબ્દો આપણા મનના ભાવ કેટલી અસરકારકતાથી વ્યક્ત કરી લે છે. આપણે આપણા મનની પરિસ્થિતિનો તાગ ન મેળવી શકતા હોય, ત્યારે આવા શબ્દો આપણી મનઃસ્થિતિ સમજવે છે. અત્યંત માર્મિક ગીત.

કવિ - બરકત વીરાણી 'બેફામ'
સ્વર - મનહર ઉધાસ
સંગીત - પુરુષોત્તમ ઉપાધ્યાય

Saturday, 1 December 2012

તને સાચવે પારવતી - બેફામ

હાલમાં લગ્નસરા પૂર જોશમાં ખીલી છે. અનેક નવદંપતી પ્રભુતામાં પગલા પાડશે. સુખી દાંપત્ય માટે વડીલો આવા વરધોડીયાને અનેક આદર્શ દંપતિઓના ઉદાહરન આપે છે. ઉત્તરભારતમાં દંપતિઓને ધ્રુવ તારક બતાવવાની પરંપરા છે, જેથી તેમનું દાંપત્ય અચળ રહે. તો ગુજરાતના કેટલાક સમાજમાં અરુંધતીતારક બતાવવાનો રિવાજ છે, જેથી તેમનું લગ્નજીવન વશિષ્ઠ-અરુંધતિ જેવું આદર્શ રહે. જ્યારે શિવપાર્વતીનું દાંપત્યજીવન સહુને આદર્શ ગણાય છે. કારણ કે ત્યાં પત્નીધર્મ કે પતિધર્મનિ એકપક્ષી વાત નથી. પણ સહજીવનની વાત છે, અર્ધનારેશ્વરની વાત છે. આ પ્રસંગે માણિયે આ લગ્નગીત.

ફિલ્મ - અખંડ સૌભાગ્યવતી

કવિ - બરકત વિરાણી 'બેફામ'

સ્વર - લતા મંગેશકર

સંગીત - કલ્યાણજી આનંદજી

Thursday, 29 November 2012

શું જલું જો કોઇની જાહોજલાલી થાય છે - બેફામ

મલ્લિકા-એ-ગઝલ બેગમ અખ્તરના સ્વરના ઉંડાણમાં ડૂબવાનો આનંદ અનેરો છે. તેમના કંઠમાંથી ગઝલ 'ગવાતી' નથી, પણ એક ઝરણાની જેમ વહી પડે છે. બેફામની આ ગઝલ સાંભળતાની સાથે જ આપણા દિલમાં આ ગઝલમાં વર્ણવેલા દર્દની એક ટીસ જરૂર ઉઠશે.

કવિ - બરકત વીરાણી 'બેફામ'

સ્વર - બેગમ અખ્તર

સંગીત - પુરુષોત્તમ ઉપાધ્યાય

Thursday, 8 November 2012

એકલાં જ આવ્યા મનવા - બેફામ

કવિ બેફામનું આ ભજન આજે લોકભજનની કક્ષાએ પહોંચ્યું છે. અમદાવાદની પોળોમાં ભજનમંડળીઓની રમઝટ જામતી હતી. પુનીત મહારાજ અને અન્ય ભજનીકો અમદાવાદની વિવિધ પોળ અને વિસ્તારમાં ઘૂમી ભજનની રમઝટ માંડતા હતા. મોટા ભાગના ભજનીકો નજીવી દક્ષિણા સાટે તો પુનિત મહારાજ 'ખાધા સાટે સભા' જેવા વિચાર સાથે ભજન માંડતા હતા. આ બધા ભજનીકો માટે ભજન રોજીનો નહીં ઇશ્વરને રાજી કરવાનો વિષય હતો.

આવી લુપ્ત થતી પરંપરા અને લુપ્ત થતાં ભજનીકોને યાદ કરી માણીયે આ ભજન.

ફિલ્મ - જાલમસંગ જાડેજા

કવિ - બરકત વીરાણી 'બેફામ'

સ્વર - ભૂપિંદર

સંગીત - દિલીપ ધોળકીયા