મારા ઘટમાં બિરાજતા શ્રીનાથજી - ભજન

ભજન
સ્વર - આસિત દેસાઇ




મારા ઘટમાં બિરાજતા શ્રીનાથજી યમુનાજી મહાપ્રભુજી
મારુ મનડું છે ગોકુલ વનરાવન
મારા તનના આંગિણયાંમાં તુલસીના વન
હે મારા પ્રાણ જીવન.

મારા આતમના આંગણે શ્રીમહાકૃષ્ણજી
મારી આંખો વશે ગિરધારી રે ધારી,
મારુ તન મન ગયું છે જેને વારી રે વારી
હે મારા શ્યામ મોરારિ.

હે મારા પ્રાણ થકી મને વૈષ્ણવ વ્હાલા
નિત્ય કરતા શ્રીનાથજી ને કાલા રે વાલા,
મે તો વલ્લભ પ્રભુજી ના કીધાં છે દર્શન
મારું મોહી લીધું મન.

હું તો નિત્ય વિઠ્ઠલવર ની સેવા રે કરું
હું તો આઠે સમા કેરી ઝાંખી રે કરું,
 મેં તો ચિતડું શ્રીનાથજી ને ચરણે ધર્યું
જીવન સફળ કર્યું.

મેં તો ભક્તિ રે મારગ કેરો સંગ રે સાધ્યો
મેં તો પુષ્ટિ રે મારગ કેરો સંગ રે સાધ્યો
મને ધોળ કીર્તન કેરો રંગ રે લાગ્યો,
મેં તો લાલાની લાલી કેરો નંગ રે માંગ્યો
હીરલો હાથ લાગ્યો.

આવો જીવનમાં લ્હાવો ફરી કદી ના મળે,
વારે વારે માનવદેહ કદી ના મળે,
ફેરો લખ રે ચોર્યાસીનો મારો રે ટળે,
મને મોહન મળે.

મારી અંત સમય કેરી સુણો રે અરજી
લે જો શ્રીજીબાવા શરણોમાં દયા રે કરી,
મને તેડાં રે યમ કેરાં કદી ન આવે
મારો નાથ તેડાવે.

(શબ્દો - પ્રભાતનાં પુષ્પો)