અમે આંધી વચ્ચે - ભગવતીકુમાર શર્મા

કવિ - ભગવતીકુમાર શર્મા
સ્વર, સંગીત - નયનેશ જાની




અમે આંધી વચ્ચે તણખલાંનાં માણસ,
પીળા શ્વાસની તુચ્છ ઘટનાનાં માણસ,
ફટાણાંનાં માણસ, મરશિયાનાં માણસ,
અમે વારસાગત સમસ્યાનાં માણસ.

કદીથી સદીની અનિંદ્રાનાં માણસ,
પ્રભાતોની શાશ્વત પ્રતિક્ષાના માણસ,
અમે તમને મળવાને ઝૂરતાં જ રહીયે,
સડવન્ત ઝીબ્રાનાં ટોળાનાં માણસ

શિખર ખીણ ધુમ્મસ સૂરજ કૈં કશું નૈ?
ટુ બી ઓર નૉટ ટુ બી ને હા ના ના માણસ
મળી આજીવન કેદ ધ્રુવનાં પ્રદેશ
હતાં આપણે મૂળ તડકાનાં માણસ