Friday 5 November 2010

તારી બાંકી રે પાઘલડીનું ફૂમતું

દિવાળીની વિશ્વગુર્જરીને ખુબ ખુબ શુભેચ્છા. અંતરના અંધારાને જ્ઞાન અને શક્તિનો દિપક સદા રોશન કરે તેવી પરમાત્માને પ્રાર્થના.

આજે માણીયે અવિનાશ વ્યાસનું આ અમર ગીત.

કવિ, સંગીત - અવિનાશ વ્યાસ
સ્વર - હેમા દેસાઇ








સ્વર - આરતી મુનશી




તારી બાંકી રે પાઘલડી નું ફૂમતુ રે,
મને ગમતું રે, આ તો કહું છું રે પાતળીયા, તને અમથું !

તારા પગનું પગરખું ચમચમતું રે અને અંગનું અંગરખુ તમતમતું રે ,
મને ગમતું રે, આતો કહું છું રે પાતળીયા, તને અમથું !

પારકો જાણીને તને ઝાઝું શું બોલવુ ? ને અણજાણ્યો જાણી તને મન શું ખોલવું ?
તને છેટો ભાળીને મને ગમતું રે ! આ તો કહું છું રે પાતળીયા, તને અમથું !

હાથમાં ઝાલી ડાંગ કડિયાળી, હરિયાળો ડુંગરો આવતો રે હાલી;
લીંબુની ફાડ જેવી આંખડીયું ભાળી, શરમ મૂકીને તોયે થાઉં શરમાળી.
તારા રૂપનું તે ફૂલ મધમધતું રે, મને ગમતું રે,

આ તો કહું છું રે પાતળિયા, તને અમથું !

કોણ જાણે કેમ મારા મનની ભીતરમાં એવું તે ભરાયું શું
એક મને ગમતો આભનો ચાંદલોને ને બીજો ગમતો તું !

ઘરમાં, ખેતરમાં કે ધરતી ના થરમાં 
તારા સપનનમાં મારું રમતું રે , મને ગમતું રે,
આ તો કહું છું રે પાતળીયા, તને અમથું !

(શબ્દો - ફૂલવાડી)

1 પ્રત્યાઘાતો:

અશોકકુમાર -'દાદીમાની પોટલી' Friday, November 05, 2010 6:54:00 pm  

શ્રીકૃતેશભાઈ,

આપને તેમજ આપના પરિવારજનોને
નૂતન વર્ષાભિનંદન અને દીપાવલીની અઢળક શુભેચ્છાઓ !

http://das.desais.net

Copyright 2009-2013 © With Respective Creators, Ahmedabad, Gujarat, India. All Right Reserved.

No song uploaded on this blog can be downloaded by using any techniques. If any one downloads song without permission, blog will not be responsible for copyright infringement.

Back to TOP