ભૂલી નથી હું રેશમી એ રાત ગઝલની - તુષાર શુક્લ

ગઇ કાલે કવિ શ્રી તુષાર શુક્લનો જન્મ દિવસ ગયો. તેમને Belated પણ ખુબ ખુઅબ શુભેચ્છા. અમદાવાદમાં હજી વરસાદ વરસ્યો નથી. પણ કદાચ વરસાદમાં ગઝલ માંડવાની વાત સાંભળીને મેઘરાજા રીઝે અને કદાચ અમદાવાદ પર મહેર કરે.....

કવિ - તુષાર શુક્લ

સ્વર - દીપ્તી દેસાઇ

સંગીત - ગૌરાંગ વ્યાસ

ભૂલી નથી હું રેશમી એ રાત ગઝલની,

માંડી હતી વરસાદમાં તેં વાત ગઝલની.

તેં હાથ મારો હાથમાં લીધો હતો અને,

લાગ્યું મને કે થઈ ગઈ મુલાકાત ગઝલની.

ચહેરેથી હટાવી હતી તેં ઝુલ્ફ રેશમી,

આમ જ થતી હશે ને શરૂઆત ગઝલની.

કંપી ઉઠેલા હોઠ હથેલી ઉપર મૂક્યા,

આથી સરસ હોય શું રજૂઆત ગઝલની.

દીવો થઈને ઝળહળ્યાં તારી ગઝલનાં શેર,

આંખોમાં રોશનીએ રચી ભાત ગઝલની.

(શબ્દો - ગુજરાતી કવિતાઓ)