પધારો વસંતો - કમલેશ સોનાવાલા
આજથી વસંતૠતુનો officially પ્રારંભ થયો છે. વસંત તો પ્રેમ અને પ્રકૃતિની મૌસમ છે. આ મૌસમમાં માણીશું અનેકાવિધ પ્રણયગીતો અને પ્રકૃતિગીતો. વધાવીએ વસંતને આ પ્રકૃતિપ્રણયગીતથી.
કવિ - કમલેશ સોનાવાલા
સ્વર - રૂપકુમાર રાઠોડ, સોનાલી બાજપેઇ
વીતી ગયો છે દિન બધો,
છતાં અજવાસ બાકી છે,
પ્રણયની કે પ્રલયની એ,
હજી એક રાત બાકી છે.
મચલતી હવાઓ, લચકતી લતાઓ
છલકતી જુવાની, ગુલોથી વધાવો….
પધારો વસંતો… આ આંગણ સજાવો..!!
લટકતી લટોથી ન નજરો બચાવો
ઉઠાવો મિલાવો ઝુકેલી નિગાહો
જો બદલાય મૌસમ ન બદલો અદાઓ
પધારો વસંતો… આ આંગણ સજાવો..!!
અગન છે દિલોમાં, દિલોને મિલાવો
કરી છે જે વાતો, ન એને ભુલાવો
રસીલી તમારી રિસાઇ, મનાવો…
પધારો વસંતો… આ આંગણ સજાવો..!!
દિવાલો બની છે ત્યાં ઘરને વસાવો
બનીને દુલ્હનિયા આ ડેલામાં આવો
ભરી સેંથી સિંદૂર દીવો તો જગાવો
પધારો વસંતો… આ આંગણ સજાવો..!!
(શબ્દો - 9x.gujarati)
0 પ્રત્યાઘાતો:
Post a Comment