મૌસમનું ખાલી નામ છે - તુષાર શુક્લ
કવિ - તુષાર શુક્લ
સંગીત - ક્ષેમુ દીવેટીયા
મૌસમનું ખાલી નામ છે, આ તારું કામ છે,
રંગોની સુરાહીમાં સુગંધોના જામ છે…
વરસે છે વાદળોથી જે એ તારું વ્હાલ છે,
નખશીખ જે ભીંજાય છે એ હૈયાનું ગામ છે…
શોધીશ તોયે નહીં મળે નકશામાં એ તને,
નકશાની બહારનું છે એ સપનાનું ગામ છે…
હેમંતને, વસંતને વર્ષાની વાત ક્યાં?
તારા જ છે સ્વરૂપ ને તારો દમામ છે…
આને જ તે કહેતા હશે દીવાનગી બધાં,
કોઈ પૂછે ને કહી ના શકું વાત આમ છે…
મઝા મૂકીને દોડતો દરિયો એ આંબશે,
રેતીમાં આંગળીથી લખ્યું એનું નામ છે…
ભીની અજાણી ભીંત પરની લીલમાં હજું,
ગઈકાલે કોતર્યું હતું એ કોનું નામ છે?
મૌસમ તારી યાદની મૌસમ બની ગયી,
મક્તાના શેરમાં હવે છેલ્લી સલામ છે…
(શબ્દો - મા ગુર્જરી)
સંગીત - ક્ષેમુ દીવેટીયા
મૌસમનું ખાલી નામ છે, આ તારું કામ છે,
રંગોની સુરાહીમાં સુગંધોના જામ છે…
વરસે છે વાદળોથી જે એ તારું વ્હાલ છે,
નખશીખ જે ભીંજાય છે એ હૈયાનું ગામ છે…
શોધીશ તોયે નહીં મળે નકશામાં એ તને,
નકશાની બહારનું છે એ સપનાનું ગામ છે…
હેમંતને, વસંતને વર્ષાની વાત ક્યાં?
તારા જ છે સ્વરૂપ ને તારો દમામ છે…
આને જ તે કહેતા હશે દીવાનગી બધાં,
કોઈ પૂછે ને કહી ના શકું વાત આમ છે…
મઝા મૂકીને દોડતો દરિયો એ આંબશે,
રેતીમાં આંગળીથી લખ્યું એનું નામ છે…
ભીની અજાણી ભીંત પરની લીલમાં હજું,
ગઈકાલે કોતર્યું હતું એ કોનું નામ છે?
મૌસમ તારી યાદની મૌસમ બની ગયી,
મક્તાના શેરમાં હવે છેલ્લી સલામ છે…
(શબ્દો - મા ગુર્જરી)
0 પ્રત્યાઘાતો:
Post a Comment