આટલું બધું વ્હાલ તે - સુરેશ દલાલ

કવિ - સુરેશ દલાલ

સ્વર, સંગીત - શ્યામલ-સૌમિલ મુન્શી

આટલું બધું વ્હાલ તે કદી હોતું હશે ?
કોઈ પારેવું વાદળ ભરી રોતું હશે ?

જીવનમાં બસ એક જ ઘટના
ભીતર એક જ નામની રટના.
પોતાનું તે નામ કદી કોઈ ખોતું હશે ?
આટલું બધું વ્હાલ તે કદી હોતું હશે ?

જીરવ્યો કેમ રે જાય વલોપાત આટલી હદે ?
આટલો બધો પ્રેમ શું કદી કોઈને સદે ?
નજર લાગે એમ શું કોઈને જોતું હશે ?
આટલું બધું વ્હાલ તે કદી હોતું હશે

(શબ્દો - ગુજરાતી કવિતા અને ગઝલ)