મહોબ્બતથી મહેંક્યા આ ગુલશન - તુષાર શુક્લ
કવિ - તુષાર શુક્લ
સંગીત - નયનેશ જાની
મહોબ્બતથી મહેંક્યા આ ગુલશન, આ ગુલશન સલામત રહે.
સૂર શબ્દ તણી આજની આ, આ મહેફિલ સલામત રહે.
રહે ચાંદ ઝીલમિલ સિતારા રહે,લહેર સંગ એના કિનારા રહે.
તમારા રહે ને અમારા રહે, ગીત હોઠો પર પ્યારા રહે.
આ ગઝલોનું યૌવન, આ ગીતોનું ઉપવન,
સદાય સભર કરતું રહેવાનું જીવન,
આ સૂરતાલ સરગમ રહે ગુંજી હરદમ,
આ રોશન શમા જલતી રહેવાની મધ્યમ
તમારી પાસે આ ઘાયલ જિગરને, જિગરની જમાનત રહે.
સમયફૂલ પર સહી કરી દઇ સમયસર,
વહીં જાશું જાણે કે ઝાકળની ઝરમર
અમે તો જશું ને નવા આવશે પણ,
ગગન છે તો ટહુકાઓ રહેશે ઘણાં પણ
યાદ જગને અમારી સૂરીલી સૂરીલી, સૂરીલી બગાવત રહે.
0 પ્રત્યાઘાતો:
Post a Comment