અનુભવીએ એકલું - મૂળદાસ
મહાત્મા મૂળદાસને નામે જાણીતા થયેલા આ સંતકવિએ ભક્તિ વૈરાગ્યબોધ અને આત્માવિષયક આરતી, કીર્તન, ગરબી, બારમાસી, ભજન જેવી પદપ્રકારની ગુજરાતી-હિન્દી રચના કરી છે. આ ઉપરાંત ટૂંકી આખ્યાન્ત્મક કૃતિઓ તથા ભાગવતનો બીજો સ્કંધ અને ભગવદગીતાના અનુવાદ તેમણે આપ્યા છે.
સુખે-દુઃખે સમત્વ ધારતા, જ્ઞાન કરતાં ભક્તિમાં શ્રદ્ધા રાખતા, અલિપ્ત રહી આનંદની મસ્તીમાં રહેતા 'અનુભવી'- ઇશ્વરની પ્રતીતી પામેલા-સંતનું એક સરસ ચિત્ર અહીં દોરાયું છે. પહેલી પંક્તિ ખુબ જ લોકપ્રિય થયેલી છે.
અનુભવીએ એકલું આનંદમાં રહેવું રે;
ભજવા શ્રી પરબ્રહ્મ, બીજું કાંઇ ના કહેવું રે.
વેદ જોયા કિતાબ જોઇ, સરવ જોઇને જોયું રે;
પણ પ્રભુના નામ વિના, સર્વે ખોયું રે.
અવર કોઇના આત્માને દુઃખના દેવું રે,
સુખ-દુઃખ જ્યારે આવી પડે, ત્યારે સહીને સહેવું રે
જાપ અજપા જાપ જપે, ત્રણ લોકમાં તેવું રે;
મૂળદાસ કહે મોહ મદ મૂકી, મહાપદમાં રહેવું રે.
1 પ્રત્યાઘાતો:
કૃતેશભાઈ,
સારી રચના મૂકી છે.
એક સુધારો જરૂરી લાગે છે , મુળદાસ ને બદલે ભૂલથી મૂળાદાસ આપે લખેલ છે.
આભાર !
http://das.desais.net
Post a Comment