ચાલો તમારા પ્રેમની - કમલેશ સોનાવાલા

કવિ - કમલેશ સોનાવાલા
સ્વર - રૂપકુમાર રાઠોડ
સંગીત - પુરુષોત્તમ ઉપાધ્યાય





ચાંદ સમા ચહેરા તણી તસવીર બનાવી દઉં

ને એ રીતે તમને નયનના ખ્વાબ બનાવી દઉં……….

ચાલો તમારા પ્રેમની એક લહેર બનાવી દઉં
એ રીતે તમને અમારા શ્વાસ બનાવી દઉં

શબ્દો તણા પુષ્પો ગુંથી ગજરો બનાવી દઉં
એ રીતે તમને ગઝલના પ્રાસ બનાવી દઉં

સાકી સુરા ને શાયરી મુહોબ્બત બનાવી દઉં
એ રીતે યાદો બધી રંગીન બનાવી દઉં

હથેલી તણી લકીરને કિસ્મત બનાવી દઉં
એ રીતે જીવવાતણું બહાનું બનાવી દઉં

અટકી ગઇ જ્યાં જિંદગી મંજિલ બનાવી દઉં
એ રીતે ખાલી કબર બિસ્તર બનાવી દઉં

કલ્પવૃક્ષની છાંવમાં મંદિર બનાવી દઉં
એ રીતે પથ્થર તને ઇશ્વર બનાવી દઉં
(Lyrics -9x.gujarati)