Monday, 24 January 2011

આ નભ ઝૂકયું તે કાનજી - પ્રિયકાન્ત મણિયાર


આજે કવિ પ્રિયકાન્ત મણિયારની ૮૪મી વર્ષગાંઠ છે. આ દિવસે માણીયે તેમની આ અમર રચના. કવિની આ સહુથી પ્રિય રચના છે. કાવ્યસંમેલનનાં અંતે આ રચના તેઓ અચૂક ગાતા. બસ આજે માણીયે કૃષ્ણ રાધાના આ દ્વૈત-અદ્વૈતને.

કવિ - પ્રિયકાન્ત મણિયાર
સ્વર - હંસા દવે
સંગીત - પુરુષોત્તમ ઉપાધ્યાય


સ્વર - નિરૂપમા શેઠ
સંગીત - અજિત શેઠ



સ્વર - હેમા દેસાઇ
સંગીત - આસિત દેસાઇ



આ નભ ઝૂકયું તે કાનજી,ને ચાંદની તે રાધા રે.
આ સરવરજલ તે કાનજી,ને પોયણી તે રાધા રે.

આ બાગ ખીલ્યો તે કાનજી,ને લ્હેરી જતી તે રાધા રે.
આ પરવત-શિખર કાનજી,ને કેડી ચડે તે રાધા રે.

આ ચાલ્યાં ચરણ તે કાનજી,પગલી પડે તે રાધા રે.
આ કેશ ગૂંથ્યા તે કાનજી,ને સેંથી પૂરી તે રાધા રે.

આ દીપ જલે તે કાનજી,ને આરતી તે રાધા રે.
આ લોચન મારાં કાનજી,ને નજરું જુએ તે રાધા રે!

(Lyrics - Bina's Webblog)

1 પ્રત્યાઘાતો:

Copyright 2009-2013 © With Respective Creators, Ahmedabad, Gujarat, India. All Right Reserved.

No song uploaded on this blog can be downloaded by using any techniques. If any one downloads song without permission, blog will not be responsible for copyright infringement.

Back to TOP