પહેલું પહેલું મંગળીયું વરતાય રે - લગ્નગીત

લગ્નગીત
સ્વર - ????





પહેલું  પહેલું   મંગળીયું   વરતાય  રે
પહેલે મંગળ ગાયોનાં  દાન દેવાય રે
અગ્નિદેવની  સાક્ષીએ  ફેરા  ફરાય રે
સૌને  હૈયે  આનંદ   અતિ   ઉભરાય રે

બીજું   બીજું   મંગળીયું   વરતાય  રે
બીજે મંગળ  રૂપાનાં દાન  દેવાય  રે
માંડવડામાં  મંગળગીતો   ગવાય રે
શુભદિન  આજે   શુકનનો કહેવાય રે

ત્રીજું   ત્રીજું   મંગળીયું  વરતાય  રે
ત્રીજે મંગળ સોનાનાં દાન દેવાય રે
ફુલડાં  કેરી ફોરમ   બધે  પ્રસરાય રે
બન્ને  પક્ષે  આનંદ  અતિ ઉભરાય રે

ચોથું  ચોથું   મંગળીયું   વરતાય  રે
ચોથે મંગળ કન્યાનાં દાન દેવાય રે
અગ્નિદેવની સાક્ષીએ ફેરા ફરાય  રે
માંડવડામાં  મંગળગીતો ગવાય  રે

(શબ્દો - વિનયની ડાયરી)