આંખડી હો તારી આંખડી - રમણલાલ પટેલ

કવિ - રમણલાલ પટેલ
સ્વર - સાધના સરગમ
સંગીત - શ્યામલ - સૌમીલ

આંખડી હો તારી આંખડી,
તારી આંખડી ઝબકી જાય,
સખી રંગભરી તારી આંખડી.

વિજ સમી ઝબકી, હૈયામાં ઉતરી,
જાતાં દઝાડી ગઈ એકદમ ચમકી;
લજવાતી લહેરી જાય..
સખી રંગભરી તારી આંખડી..

હૈયું ઝબકાવતી, નૈના તલસાવતી,
હૈયાનાં અમૃતને હેતે છલકાવતી;
મારા હૈયાને ભીંજવતી જાય..
સખી રંગભરી તારી આંખડી..

ઝબકી ઝબકાવતી, પલકારા મારતી,
મીઠા મધુર કોડ હૈયે રેલાવતી,
સુના સપના સંકોરતી જાય..
સખી રંગભરી તારી આંખડી..

(શબ્દો - પ્રીતના ગીત)