કાયાની કટોરી - બાદરાયણ

કવિ - બાદરાયણ
સ્વર - રાસબિહારી દેસાઇ
સંગીત - ક્ષેમુ દીવેટીયા




કાયાની કટોરી મારી, અમૃત ભરેલી રામ, અમૃત ભરેલી
કિયે રે ડુંગરથી એની માટીયું ખોદિયું ને કિયે રે પાણીએ ઇ પલાળી?

કિયે રે પગથી એના કાદવ કચરાણા ને કિયે રે ચાકડે ઇ ઉતારી?
કિયે રે હાથે એના ઘાટ ઘડાયા ને કિયે ટીપણે ઇ ટીપાણી?

કિયે રે વાયુ એની આગિયું રે ડૂંકિયું ને કિયે રે નીંભાડે ઇ ઓરાણી?
કિયે રે સમંદરથી લીધાં અમરતનાં બિંદુડાને કેયી રે ઝારી ઇં સિંચાણી?