અદના આદમીનું ગીત - પ્રહલાદ પારેખ
જીવો અને જીવવા દો-નો સંદેશ આપતું સરસ મજાનું ગીત છે. સાવ સામાન્ય માણસની પુરુષાર્થભરી ભાવાભિક્તિને રજૂ કરતાં આ કાવ્યમાં કર્મ દ્વારા સર્જન એ જ જીવનનો સાચો સાથીદાર છે તેમ જણાવ્યું છે.
અદના તે આદમી છઇએ,
હો ભાઇ, અમે અદના તે આદમી છઇએ,
ઝાઝું તો મુંગા રહીયે.
મોટા તે આદમીની વાતું બહુ સાંભળી, રે
જુગના તે જુગ એમાં વીત્યા;
થાયે છે આજ એવું, નાની-શી વાત છે જે
હૈયે અમારે, કહી દઇએ.
વસ્તરના વણનારા,ખેતરના ખેડનારા,
ખાણના ખોદનારા છઇએ;
હોડીના હાંકનારા, મારગના બામ્ધનારા;
ગીતોના ગાનારા થઇએ.
- હે જી અમે રંગોની રચનાય દઇએ!
છઇએ રચનારા અમે છઇએ ઘડનારા,
તે સંહારની વાતું નહીં સહીએ;
ધરતીના જાયાનાં કાયા ને હૈયાને
મોંઘેરા મૂલનાં કઃઇયે,
- હે જી એને કેમ કરીને અવગણીએ!
જોઇએ ના તાજ અમને, જોઇએ ના રાજ કોઇ,
જીવીએ ને જીવવા દઇએ;
જીવતરનો સાથી છે, સર્જન, અમાર્પઃ
નહીં મોતના હાથા થઇએ.
- હે જી એની વાતુંને કાન નહીં દઇએ.
0 પ્રત્યાઘાતો:
Post a Comment