આવી રસીલી ચાંદની - ભાસ્કર વોરા

લતા મંગેશકર અને મહમંદ રફીના સ્વરમાં આ યુગલગીત આજે રજૂ કરું છું. રફીસાહેબ અને લતાજીએ ગુજરાતી ભાષામાં બહુ ઓછા યુગલગીત ગાયા છે, પણ જે ગાયા છે તે ગીતોના કામણથી સાંભળનારા બચી શકતાં નથી. કદાચ બલોગજગતમાં સહુ પ્રથમ આ બન્ને કલાકારોને એક સાથે સાંભળવાનો લ્હાવો મળશે. અમર ગુજરાતી ફિલ્મગીતોમાં વટભેર સામેલ કરવા લાયક આ અમર ગીત માણીયે.

ફિલ્મ - સત્યવાન સાવિત્રી
કવિ - ભાસ્કર વોરા
સ્વર - લતા મંગેશકર અને મહમંદ રફી
સંગીત - દિલીપ ધોળકીયા



આવી રસીલી ચાંદની, વન વગડો રેલાવતી,
છાયા બની  એ ચંદ્રની, એની પગલે પગલાં પાડતી.

છાયા ના માનું ચાંદનીને, ચંદ્રની એ તો પ્રિયા,
હો રંગરસિયા, આમ બોલી મન ભરમાવે કાં સદા
નૈનની ભૂલ-ભૂલામણી.

ચંદ્ર છુપાયો વાદળીમાં, તેજ તારું જોઇને
જોને જરી તું આયો ફરી એ, મુખ પર તારા મોહીને
થાય શીદ લજામણી