આગળ મોર્યા મોગરા - ભાસ્કર વોરા
સ્વર- ફાલ્ગુની શેઠ
સંગીત - દિલીપ ધોળકીયા
આગળ મોર્યા મોગરાને પછવાડે ગલગોટ
સવળા વાતા વાયરાને એની અવળી વાગે ચોટ
ભૂલકણાં, ભૂલકણાં ઓરે ભૂલકણા દેશું નહિ તુ જ કોર.
ખીલ્યા કે શું ખાખરે એની વગડે વગડે આગ,
ફૂલડે ફૂલડે ફરી વળે, મારું મન જાણે મધુમાખ.
ભૂલકણાં, ભૂલકણાં ઓરે ભૂલકણા દેશું નહિ તુ જ કોર.
હોળી મહીનો હુલામણો, એની નારી પાળે વેશ,
પુછુ નિર્દય નાવલા, તને કેમ ગમે પરદેશ?
ભૂલકણાં, ભૂલકણાં ઓરે ભૂલકણા દેશું નહિ તુ જ કોર.
રાતે વસમી ચાંદની ને દા'ડે વસમી લૂ
વસમી વિરહની શ્યામલી, મારો વિચાર કરજે તું
ભૂલકણાં, ભૂલકણાં ઓરે ભૂલકણા દેશું નહિ તુ જ કોર.
0 પ્રત્યાઘાતો:
Post a Comment