શબરીએ બોર કદી - વિશનજી નાગડા

કવિ - વિશનજી નાગડા
સ્વર,સંગીત - પુરુષોત્તમ ઉપાધ્યાય




શબરીએ બોર કદી ચાખ્યા’તા ક્યાં?
એણે જીભે તો રાખ્યા’તા રામને  !
એક પછી એક બોર ચાખવાનું નામ લઇ
અંદરથી ચાખ્યા’તા રામને.

બોર બોર ચૂંટતાં કાંટાળી બોરડીના
કાંટા જરૂર એને વાગ્યા હશે
લાલ લાલ લોહીના ટશિયા ફૂટીને પછી
એક એક બોરને લાગ્યા હશે.
આંગળીથી બોર એણે ચૂંટ્યાં;તા ક્યાં?
લાલ ટેરવેથી પૂજ્યા’તા રામને,

રોમ રોમ રાહ જોતી આંખો બિછાવીને
કેટલીયે વાર એણે તાકી હશે? !
રામ રામ રાત દિ કરતાં રટણ ,
ક્યાંક આખરે તો જીભ એની થાકી હશે?
હોઠેથી રામ એણે સમર્યા’તા ક્યાં?
ઠેઠ તળિયેથી ઝંખ્યા’તા રામને?

(શબ્દો - મા ગુર્જરીને ચરણે)