છલકાતું આવે બેડલું - લોકગીત

એક સરસ મજાનું લોકગીત, એક સરસ મજાની સવાર માટે.

લોકગીત

સ્વર - આશા ભોંસલે

સંગીત - અવિનાશ વ્યાસ

છલકાતું આવે બેડલું !

મલકાતી આવે નાર રે મારી સાહેલીનું બેડલું –

છલકાતું આવે બેડલું…

મારા ગામના સુતારી રે, વીરા તમને વીનવું,

મારી માંડવડી ઘડી લાવો રે મારી સાહેલીનું બેડલું -

છલકાતું આવે બેડલું…

મારા ગામના રંગારી રે વીરા તમને વીનવું,

મારી માંડવડી રંગી લાવો રે મારી સાહેલીનું બેડલું -

છલકાતું આવે બેડલું…

મારા ગામની વહુવારુ રે ભાભઊ તમને વીનવું,

મારો ગરબો ભલેરો ઝીલાવો રે મારી સાહેલીનું બેડલું -

છલકાતું આવે બેડલું

(શબ્દો - અમીઝરણું)