નભ ખોલીને જોયું - ચંદ્રકાન્ત શેઠ

આજે કવિ ચંદ્રકાન્ત શેઠનો જન્મ દિવસ છે. ૭૪મી વર્ષગાંઠની હાર્દિક શુભેચ્છા. માણીયે આ ગીત.

કવિ - ચંદ્રકાન્ત શેઠ

સ્વર, સંગીત - અમર ભટ્ટ

નભ ખોલીને જોયું, પંખી નથી નથી;
જળ ખોલીને જોયું, મોતી નથી નથી. -

સતત છેડીએ તાર,
            છતાં કંઈ રણકે નહીં;
આ કેવો ચમકાર ! -
            કશુંયે ચમકે નહીં !

ખોલી જોયા સૂર, હલક એ નથી નથી;
ખોલી જોયાં નૂર, નજર એ નથી નથી. -

લાંબી લાંબી વાટ,
           પહોંચતી ક્યાંય નહીં;
આ પગલાં ક્યાં જાય ?
           મને સમજાય નહીં;

આ તે કેવો દેશ ?! – દિશા જ્યાં નથી નથી !
આ મારો પરિવેશ ? – હું જ ત્યાં નથી નથી ! -

(શબ્દો - લયસ્તરો)