એને જીવવા દ્યોને જરી - અવિનાશ વ્યાસ

કવિ, સંગીત - અવિનાશ વ્યાસ
સ્વર - ગીતા દત્ત




એને જીવવા દ્યોને જરી....
જરી જરીને હૈયું ભરીને
વાત કરી ન કરી

તોયે જગ જાણે ન જાણે
મૃત્યુશૈયાને શમિયાણે
ભવ-ભવ મળજે મનના માણી
કહેવું ફરી-ફરી

કોડ હતાં કંઇ-કંઇ કરવાના
ભવસાગર સંગે તરવાના
મનની વાતો મનમાં રહેતી
સ્વપનું જાય સરી

જીવન કેરે કાંટે એણે
મન ખોલી મૃત્યુ તોળ્યાં
જીવતરના અમૃત પી-પીને
વિષ હળાહળ ઘોળ્યાં
આકાશે ઉગ્યો તારલિયો જાતો આજ ખરી